Poorꞌíŋ beléꞌŋ jʉtʉ́móꞌŋ daara kóllíŋ bi kóllíŋ ʉʉ́ŋjanyal kí Poorꞌíŋ belé rééŋél ʉ́dóŋá na ótáŋa kilaꞌŋ asá kí belé na órré na ba̱rʉꞌŋ jʉtʉ́mó tɨɨlɨ. Na in ʉʉ́ŋjanyalꞌíŋ ʉ́dóŋá na ótáŋá kí Poorꞌíŋ jʉtʉ́móꞌŋ daaraꞌŋ murul-si tɨɨlɨ. Na Poordʉŋo bi Poordʉŋos aar kee áláŋ dééŋ domoŋ kí Poor rímmeŋ piá nás kwa-lé páágó, inná tááríŋá na jôŋa na sǔbuŋa ǎl káíŋ sooma-lé na órre jállíŋá. Poorꞌíŋ beléꞌŋ jʉtʉ́móꞌŋ daara ás urelba áláŋ in ʉʉ́ŋjanyal-sí paraga-lé jaráŋ ná árdeŋ jáa.
